Entra a far parte del gruppo nel
1985. Scrive e pubblica nel 1993 "Il Teatro
Civico di Schio". Sue poesie si trovano nelle antologie
"El Tamiso e La Panocia 1994".
Maestro
In tanti ani ca go fato scola
quanti tusi sui banchi ze passà
e a tuti col esenpio e la parola
de insegnarghe qualcossa go sercà.
Lingua italiana, storia, geografia,
fare i cunti, problemi, geometria
e tute le altre robe che i programi
vole che i sàpia par passar i esami.
Ma tacà a questo go anca sercà
col me poro, modesto insegnamento,
de abituarli a un conportamento
che, senpre e dapartuto,
fusse convinto fruto
de franca e responsabile lealtà.
Se desso sento dir: - che brao dotore ...
che bon prete ... che gran lavoratore ... -
de un scolareto mio diventà omo,
me tegno in bon ... ma me se slarga el core
se po i ghe zonta: - ... e che galantomo! -
