Nasce a Schio il 10 giugno
1924, ivi residente, entra a far parte del circolo "La Panocia"
nel 1976. Sue poesie si trovano nelle raccolte antologiche
"La poesia del giorno, El me ritrato, La Panocia, La Panocia
1994".
Le man
Pugneti
a gatomagnao partera
a strénsare le ombre rosa
nel mondo apena nato.
Sfarfalar de déi
come do margarite
a sinque punte
a penelar el vento
par caressar na mama
dolse piú del miele.
Posà sul core
a tegner salda
la Prima Comunion.
Sporche de inchiostro
a spotaciar i sogni
'nte i quaderni.
Incalíe da fadighe
de chi combate
nel'ultima frontiera.
Alsà
a saludare un treno
che forse no ritorna.
Posà sul peto
a ringrassiare
col segno dela Crose
e po fermà cosí
'nte l'ultimo sospiro.
I me colombi viagiatori
Smiderle Franca
'I Piccioni'
Puntini neri
ne l'orisonte griso,
frece de pena
che torna al so gnareto.
El zolo no conta
nel mistero che va
sora le case, le campagne,
i buschi, i munti
el mare.
Par mi i torna.
Par mi i zola i me colombi,
strucà le ale
i taja 'l vento
e i me inamora.
