Nato a Schio e ivi residente,
entra a far parte dell'associazione nel 1977. Sue poesie si
trovano nelle antologie "La Panocia, El Tamiso e La panocia
1994. Ha vinto il premio speciale per la sezione 'Pedemontana'
nella quarta edizione del concorso 'La NAVETTA d'oro' il (4-10-1975).
Ghe son mi
Smiderle Franca
"l'albero della vita"
Legni che se strenze,
ingrumà, inbrosemà.
Na macia,
na penelada de verde,
siese che se èrpega
gobe, strache,
drio le piere.
Le russe, i sgiaroti che spunta,
foje morte, strame.
Un vodo, un sbianso de celo,
un ròcolo che varda la vale.
Un odore de bon,
l'aria che te rinfresca la pèle,
la pace, el silensio
che te inpiena la pansa,
i ze nel bosco.
Tra i rami spenotà i gnari veci
e usei che passa e che no canta,
el colore che dà vita ala tera.
Drio la caviagna, sensa semaforo,
sensa la pressa che te urta 'ntel culo,
ghe son mi,
fursi anca ti, tanti o tuti:
quarto piano, scala B,
celo griso
e aspro odor de fumo.
Un fiolo
Sercà
par na voja
de ben;
cressù
come Dio
ga vossudo,
con premure
e afeto,
ansie
e spissa
par vedar
cosa,
insieme,
se ga fato.
Scoltà
fra le pieghe
de un vestito.
Pensà,
vardando i oci
de so mama.
Dio,
nove mesi
ze propio
na vita,
par che speta
un fiolo.
