Nata a Schio il 27 gennaio 1948,
ivi residente, entra a far parte del gruppo nel 1987. Sue poesie
si trovano nelle antologie "El Tamiso e La Panocia 1994".
Ha ottenuto tre premi a concorsi di poesia.
Chiète
Lo sò parchè i to pensieri,
popà, ancò profuma de verde,
parchè solo 'l bosco inpitura
co na man de primavera
le fregole dei to dì.
Tacà a un vecio soco
che ancora rabuta,
chieto desso rapossa
el to zaino de alpin
e pi no i pesa i giorni
robà a canti e bali,
a fadighe lesiere
caressà da tenari sogni.
Mi lo sò ...
ti te ciàcoli col vento
che sparpana lontan
nine nane de ricordi,
te ridi col sole
che te desfa stalattiti
de lagrime giassà,
te canti coi osei inamorà
la to serenata a chi
da massa tenpo ormai
su là te speta.
Te me ghè caminà davanti
sbregando par mi teraìne
de nebia.
Desso ze tuo 'l odore fresco
del mus-cio,
tuo 'l ciaro dolse
del celo.
