Nasce a Schio il 7 febbraio 1940 ed entra a far parte dell'associazione nel 1982. Sue poesie si trovano nelle raccolte antologiche de "La Panocia": "Grani de sorgo, La Panocia, El Tamiso, La Panocia 1994". Ha vinto nei concorsi di poesia cui ha partecipato 72 fra premi e segnalazioni.

Tera Cinbra

Face opur deserti
in chei sguardi muti
che sensa paura s-cioda
le amaresse del cor?
Nei sulchi duri
chi semena na gioia
quando el sudore
nibia i pensieri
e
solo brassi che no trema
pètena sta tera?
Tera Cinbra.
Ricordo smorsar de stele
fra satà de nibia.
Na luna sonca
se inganbarava drio spigoli de onbre.
Nostalgie de tramonti
lunghi e fredi
sora bògoli de foje.
Intimo, dolse incanto
brincà ai me rami
come neve
che sfanta col sole,
con le onge de un sogno
che no vol morire.
Ne un vecio fogolar
sfritega el lardo
in teracota colma de radici.
Un goto de vin
veste n'anima nuda
e sgrafa, par poco, la malinconia
lassando nei ossi
un silensio bianco.
Ricordi, ricordi.

El Bocia

Mario Converio 'Uccelli e Pietra'

Fiolo, son qua a portarte
un fiore de montagna.
Son mi, fiolo, to mama;
te porto un ciclamin.
Te si partio a vint'ani
in guera strassinà.
Co 'na brancà de ossi
i 'a contentà to mama!
Cussi che almanco sò
dove portare un fiore,
dove sfogare un pianto,
dove te dormi ti.
La to coverta un sasso
co' scrìto su "Soldato".
Ma mi, col to capèlo
ancor pìú streto al córe:
"Gente, vardè, l'è 'n sbaglio!
Sti ossi qua xe i mie!
la carne mia, là sóto,
la gera d'un Alpin!"