Nato a Schio e ivi residente fino alla morte, fu un socio fondatore e primo presidente de 'La
Panocia'. Pubblicò 'El barbastrjio',
una raccolta di sue poesie in versi dialettali e ottenne due premi
a concorsi di poesia.
Sue Poesie si trovano nelle antologie 'Versi Nostrani, El Bosco, El me ritrato, La Poesia del Giorno
e Grani de Sorgo'
El barbastrijo
Te speti co vien scuro
par far la passejata.
De giorno dove sito?
I dise nele grote,
tacà, de pincolon,
a testa in zo ...
Par quasi che la luce,
el sole, l'aria fina
te fassa male i oci ...
Ma se te si sensa, oci!
Te vien fora de sera,
scalotolando in alto, in basso.
Ma gheto, ti, la testa,
moreja co le ale?
Te pari quasi un mato
che voja terminarla,
sbatendo in coste al muro ...
Maché! gnanca par sogno:
na schinca ... e senpre su e zo.
Fin quando?
Fin che vien ciaro ancora? ...
Mejo, così nissun te vede,
bruto, schifoso barbastrijo!
Osèi
- Sì, sì: i ga le ale, i zola.
E se i se ferma qualche volta
su 'na raméta alta,
i pol cantare in libertà,
savendo - furbi -
de aver le ale...
contro 'l sole,
come fa le Iòdole...
e zo, driti,
sora un canpo tuto erba e fiori,
par córar drio a 'na farfala...
no ze par questo solo
che voria essar osèlo;
ma anca par poder,
come i fa lori,
far l'amore par aria
in libertà, zolando...
