Piera Rompato
Nasce a Schio il 28 giugno 1921,
ivi residente, entra a far parte dell'associazione nel 1985.
Ha edito in proprio: "Momenti con l'ombra ... ed altro"
e "Vento di Marzo". Sue poesie si trovano anche
nelle antologie "El Tamiso e La Panocia 1994".
Poesie premiate o segnalate: 47.
Calicanto
Andavimo pian pian,
risigo el muro alto dei Giardini,
mi e la me vecia amica "Solitudine"
godendo el sole sbiavo de genaro,
quando d'inproviso ze rivà
n'onda de profumo forte e amaro:
-Calicanto!-
E come par incanto
me ga parso de avere vissin ti,
biondo fior de giovinessa,
che incontro tuti i di.
No so el to nome,
no so ndove te ve;
de ti conosso i oci, el viso,
el passo sguelto, deciso,
el to profumo, cussì forte e amaro,
ch'el nome te go dà
de "Calicanto".
Se te vegnesse drio,
se domandasse,
podaria saver chi che te si.
Ma cossa giovaria
par uno come mi?
Cussita me incontento
de vedarte ogni giorno,
spiare el to viso
sentire el to profumo,
me segreto ...
me incanto ...
me delicato "Fior de Calicanto".
Masenarò ancora par tanto
Pan amaro
sto gran patìo
nato e maurà
in tera grama,
sfinia dal seco,
smissià a grossa giara bianca?
Mastegarò ancora par tanto
sto pan inpetrìo
che ga inpastà me mama
e che dura na stimana
nela sésta picà al ciodo
soto al trave dela cusina?
Quando gavarò tera mòrbia
e pan tènaro ...
e caresse
e parole
dai to oci neri?
